Stressed ka ba sa trabaho? Mag-ingat sa stroke

SINASABING ang stress at ang pagtatrabaho ng mahabang oras ay maaaring maging sanhi ng stroke.
Ayon pa sa pag-aaral, nagdudulot din ng high blood pressure ang stress na nararanasan.
Nangyayari ang stroke kung nagkakaroon ng bleeding o blockage ng blood vessel na dulot ng blood clot.

Base sa pinakahuling pag-aaral na inilabas ng Neurology, ang medical journal ng American Academy of Neurology – kung saan pinagsama-sama ang anim na ginawang pag-aaral sa 130,000 pasyente, lumalabas na konektado ang sobrang stress sa trabaho sa pagiging lantad sa stroke.
Lumalabas din sa 25 pag-aaral na ipinalabas sa The Lancet medical journal na mas lantad sa stroke ang mga taong nagtatrabaho ng matagal.
Halimbawa, 33 porsiyentong mas lantad sa stroke ang mga taong nagtatrabaho ng mahigit 55 oras kada linggo kumpara sa mga nagtatrabaho lamang ng 35 hanggang 40 oras kada linggo.
“Epidemiological studies have shown that high-stress jobs are associated with an increased risk of cardiovascular disease, especially hypertension and coronary heart disease,” said Dr. Vincent Ng, isang consultant sa National Neuroscience Institute’s department of neurosurgery.