Presidente at VP sabay ipoproklama
Sabay na ipinoproklama ang nanalong pangulo at bise presidente sa katatapos na eleksyon.
Ito ang sinabi ni House majority leader at Mandaluyong City Rep. Neptali Gonzales II matapos manawagan ang kampo ni Sen. Bongbong Marcos na magsagawa muna ng manual audit bago ang canvassing.
Paliwanag ni Gonzales ito na ang kanyang ikaapat na pagkakataon na makasali sa National Board of Canvassers. Sa naunang tatlo ay sabay umanong ipinoproklama ang pangulo at bise presidente.
Sinabi ni Gonzales na iisang certificate of canvassing lamang ang gagamitin sa bawat lugar para sa dalawang pinaglalabanang posisyon.
Ang pagkakasunod-sunod ng pagbubukas na mga ballot box ay dumedepende kung ano ang unang dumating.
Sa susunod na linggo ay inaasahang maipoproklama na ang nanalo, ayon kay Gonzales.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.