PH WAGI NG 2 GINTO SA ASIAN MASTERS | Bandera

PH WAGI NG 2 GINTO SA ASIAN MASTERS

Angelito Oredo |May 06,2016
facebook
share this

PH WAGI NG 2 GINTO SA ASIAN MASTERS

Angelito Oredo - May 06, 2016 - 02:40 PM

NAGWAGI agad ng gintong medalya sina Erlinda Lavandia at Arnel Fererra sa unang araw ng pagsabak ng delegasyon ng Pilipinas sa 19th Asia Masters Athletics Championships sa National Stadium, Singapore.
Inihagis ni Lavandia ang layong 31.34 metro sa kanyang huling attempt sa W60 javelin throw masters upang matagumpay na pasimulan ang kampanya ng bansa. Si Lavandia din ng nagtatanggol na kampeon sa discus throw at shot put sa torneyong ito.
Pumangalawa kay Lavandia si Yu Eng Tay ng Malaysia na nagtala ng 27.30 metro at ikatlo si R. Bhuvaneshwari ng India sa layong 20.25 metro.
Sinungkit naman ng dating Southeast Asian Games record holder na si Ferrera ang gintong medalya sa men’s 35-39 age category sa hammer throw masters sa inihagis nitong 53.93 metro.
Pumangalawa si Yau Yin Chang (38.13m) habang ikatlo si Han Ching Chang ( 29.91m) na kapwa mula sa Taiwan .
Tampok din sa pambansang koponan sina Lerma Bulauitan-Gabito, Eduardo Buenavista, Reynato Unso, Emerson Obiena, at Rene Herrera.
Nanguna sa kanyang heat si Bulauitan-Gabito sa women’s 100m dash at long jump (40-44 years old) habang tatakbo si Buenavista sa men’s 1,500m run, 5,000m run at 10,000m run (35-39).
Si Unso ay sasali sa men’s 400m hurdles (55-59) habang lulundag si Obiena sa men’s pole vault at sasali 100m hurdles (50-54).
Sasabak pa si Ferrera sa men’s hammer throw, discus throw at shot put habang aarangkada si Herrera sa men’s 1,500m run, 5,000m run at 3,000m steeplechase (35-39).
Kasama din sa delegasyon sina Joebert Delicano, Julius Nierras, Sean Guevarra, Julius Sermona, John Lozada, Danilo Fresnido, Edward Obiena, Fidel Gallanero, Christabel Martes, Mary Grace Milgar, Jeanette Obiena, Edward Kho, Jose Ang, Arnel Lobos, Margarito Baniqued at Mario Castro. —Angelito Oredo

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.

What's trending