Estudyanteng binubully ng Duterte boys ipinagtanggol

Ipinagtanggol ng Kabataan partylist ang estudyante ng University of the Philippines Los Banos na si Stephen Villena ‘kinuyog’ umano ng mga suporter ng presidential aspirant na si Davao City Mayor Rodrigo Duterte dahil sa pagtatanong nito.
Ayon kay Sarah Elago, first nominee ng Kabataan, karapatan ng isang Iskolar ng bayan na magtanong ng kanyang interes partikular sa pondong ilalaan sa edukasyon.
“Issuing insults and even death threats against a student who only dared to ask the right questions cannot in any way bolster the candidacy of any presidential aspirant. We enjoin our fellow Filipinos, especially the youth, to raise the level of discourse, and not only view this incident as a test of propriety and civility,” ani Elago.
Konti lamang umano ang pondo na inilaan ng gobyerno sa edukasyon kaya mahalagang malaman ng mga kabataan kung plano itong dagdagan ng mga tumatakbo sa pagkapangulo.
“At a time when education spending remains vastly minuscule when compared to the appropriation for pork largesse, every student has the right to question any aspiring candidate’s platform and priorities when it comes to government budgeting,” ani Elago sa isang statement.
Sinabi ni Elago na P59 bilyon lamang ang inilaan ng gobyerno sa 114 State Universities and Colleges, kulang ng P16 bilyong hinihingi nito.
Sa pag-aaral ng Kabataan, sa bawat P100 na ilalaan ng gobyerno sa 2016, P4 ang mapupunta sa defense, P4 sa kalusugan, P17 sa edukasyon at P22 ang budgetary item na maituturing na pork barrel.