Binay nangunguna pero bumaba; Bongbong, Chiz tabla

Napanatili ni Vice President Jejomar Binay ang pangunguna nito sa survey ng Social Weather Station bagamat bumaba ito.
Mula sa 31 porsyento sa survey noong Enero, nakakuha ng 29 porsyento si Binay sa survey na ginawa mula Pebrero 5-7.
Nanatili naman sa 24 porsyento ang rating ni Sen Grace Poe at tumabla sa kanya si Davao Mayor Rodrigo Duterte na tumaas mula sa 20 porsyento.
Bumaba naman ang Pambato ng Daang Matuwid na si Mar Roxas na nakakuha ng 18 porsyento mula sa 21.
Pang-apat naman si Sen. Miriam Defensor-Santiago na may 4 porsyento.
Sa Vice presidential race, tabla naman sa unang puwesto si Sen. Bongbong Marcos at Sen. Chiz Escudero na may 26 porsyento. Tumaas si Marcos mula sa 25 porsyento at bumaba naman si Escudero na mula sa 28 porsyento.
Si Camarines Sur Rep. Leni Robredo ay nakakuha naman ng 19 porsyento mula sa 17 at sinundan ni Sen. Alan Peter Cayetano na may 16 porsyento mula sa 14.
Si Sen. Gringo Honasan naman ay may 6 porsyento at sinundan ni Sen. Antonio Trillanes na may 5 porsyento.
Ang survey ay ginawa mula Pebrero 5-7 at kinuha ang opinyon ng 1,800 respondents. Mayroon itong error of margin na plus/minus 3.
Hindi naman nawawalan ng pag-asa si Akbayan Rep. Barry Gutierrez, spokesman ni Roxas, kahit mababa ang rating nito.
“The survey results continue to say the same thing — that the candidates are in a dead heat. With a 3% margin of error, the latest SWS survey has 3 out of 5 candidates, including Mar, tied at second place. We started out at 4% last year, now we’re tied with our rivals, we’ve definitely made progress. We’re confident that Mar’s numbers will continue to improve and that we will emerge on top in the most important survey — the May elections,” ani Gutierrez.
Sinabi naman ni Valenzuela Mayor Rex Gatchalian, spokesman ni Poe, na gagamitin nila ants survey upang manalo sa huli.
“Our resolve is to continue to focus on our message of inclusive governance – Gobyernong may Puso. We will also continue to detail to our voters that Sen. Poe is still a candidate in the running in the upcoming elections,” ani Gatchalian.
Sinabi naman ni Davao Rep. Karlo Alexie Nograles na lalo pang tataas si Duterte ngayong nabasura na ang disqualification case laban sa kanya.
“Ngayon na wala nang hadlang sa kandidatura ni Rody Duterte pagka Pangulo bumabalik na naman ang mga sumusuporta sa kanya…..Inaasahan namin na higit sa 50% ang boboto kay Duterte pagka Pangulo sa araw ng halalan,” ani Nograles.
Ipinakikita naman umano ng hung survey na solid ang suporta kay Binay, ayon sa campaign spokesman nito nasa Atty. Rico Quicho.
“While the present survey results are encouraging, the Vice President is well aware that the real survey is still on election day itself,” ani Quicho. “The Vice President will work even harder to convey to our people his programs that will address poverty, which remains to be the moral issue of the times.”
30