Arci Muñoz: Kasundo ko si Ellen, pareho kaming luka-luka!

NAPAKA-SIGNIFICANT para sa sexy star na si Arci Muñoz ang pagkakasama niya sa teleseryeng Passion de Amor sa ABS-CBN. Nagkasunud-sunod ang projects ni Arci nu’ng gawin niya ang hottest drama series sa Dos.

Ito ang nagbukas ng lahat ng pintuan para sa lahat ng opportunities na dumarating sa kanya ngayon. Thanks to Direk Ruel Bayani na nakatrabaho ni Arci noon sa GMA at ngayon ay Business Unit Head din Pasion de Amor.

“Noong nalaman niya na wala akong ginagawa, kinuha niya ako. Kaya malaki ang utang na loob ko po kay Direk Ruel. Siya ang nagbigay ng unang trabaho sa akin after Starstruck. Pinag-audition niya rin ako,” kwento ni Arci.

Inisip na raw niya noon na mag-backout na sa pag-aartista. Hindi na raw niya alam kung ano ang gagawin niya sa buhay niya, “Marami na rin po akong show na nagawa, e. ‘Di ba nag-GMA ako, nag-TV5 ako. Ang masasabi ko lang, eto ang pinaka-memorable na show na ginawa ko,” lahad ni Arci.

Sa Pasion de Amor din daw siya natuto na maging mas maging professional sa trabaho. Malaking influence raw sa kanya ang co-star at kapareha niya sa serye na si Jake Cuenca.

“Sobrang sarap katrabaho ni Jake. Doon ko nakita kung gaano siya kahusay na artista na nadadala niya ako. Sobrang blessing na siya ang katrabaho ko dahil ginagabayan niya talaga ako. Hindi siya madamot na artista,” aniya pa.

Hindi man kasing close ng mga male stars ng Pasion de Amor na sina Jake, Joseph Marco at Ejay Falcon, nagkaka-bonding naman daw sila nina Coleen Garcia at Ellen Adarna.

“Oo naman po, kami ‘yung magkakasama palagi sa tent, nagkukuwentuhan kami. Parang ganoon din kami. Kami ni Ellen lumalabas din kami. Si Coleen kasi siguro iba ‘yung trip niya. Pero kapag nasa set kami, okey kami,” sabi pa ni Arci.

Baliw daw kasi sila ni Ellen at madalas kapag lalabas silang dalawa, shopping to the max ang drama nila.

Grateful si Arci dahil habang ginagawa niya ang Pasion de Amor saka dumating ang offer na lumabas siya sa “A Second Chance” nina John Lloyd Cruz at Bea Alonzo and to top it ay ang soon-to-be-released movie nila ni Gerald Anderson under Star Cinema, ang “Always Be My Maybe.”

Biglaan lang daw ang pagdating ng offer sa kanya para sa movie nila ni Gerald. Hindi naman itinago ni Arci ang pagkakilig niya sa kagwapuhan ni Gerald.

Hanggang kilig lang daw muna siya kay Gerald. Meron kasing boyfriend ngayon si Arci kaya ‘di pwedeng maging sila ni Gerald in real life, “E, baka may girlfriend din si Ge, ‘di ba? Hindi lang ako, ‘di ba? Ha-hahaha! Hindi, work lang po talaga saka kumportable lang kami sa isa’t isa.”