SA kanyang pagbisita sa Ilocos Norte, muling inulit ni Sen. Grace Poe na hindi siya anak sa labas ni dating Pangulong Ferdinand Marcos.
Ayon kay Poe, matagal nang usapan ang pagiging anak umano niya ng aktres na si Rosemarie Sonora kay Marcos, ama ni Sen. Bongbong Marcos na tumatakbo sa pagkabise presidente.
“Wala namang basehan para isipin na totoo yun,” ani Poe. “Pero syempre, ‘yung mga tao hindi mo naman mapipigil, nagkakatuwaan tungkol dito.”
Si Poe ay sinamahan ni Ilocos Norte Gov. Imee Marcos sa paglilibot nito sa probinsya kahapon.
Kahapon ay nangako si Poe na palalakasin ang turismo sa Ilocos na makalilikha umano ng maraming trabaho at pagkakakitaan.
Marami sa mga pelikula ng ama ni Poe na si Fernando Poe Jr., ay kinuhanan sa Ilocos, partikular ang Panday series.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.