Marian, Dingdong naghahanda na sa bonggang binyag ni Baby Letizia

Naghahanda na ang mag-asawang Dingdong Dantes at Marian Rivera para sa binyag ng kanilang baby na si Maria Letizia. Ayon kay Dingdong, excited na sila ni Marian sa binyag ni Baby Letizia.

Sa official Facebook page ng Kapuso Primetime King ibinalita nito na kumuha na sila ng grupong mamamahala sa baptism ng sanggol. “The team behind DM is once again collaborating for Letizia’s baptism.

This time, we are privileged to be joined by THE Dedet Santos of Pepita’s. This intimate event will be headed by one of Z’s Ninangs- Teena Baretto, and styled by Gideon Hermosa,” sabi ni Dingdong.

Ipinost din ni Dingdong ang isang litrato ni Marian kung saan karga nito si Baby Letizia habang ka-meeting ang event organizers. Chika pa ni Dong pina-finalize na rin nila ang listahan ng mga magiging ninong at ninang ng anak nila ni Marian.

“Itong buwan na ito, ‘yan ‘yung plano kung kailan namin siya gustong mapa-binyagan. “Inaayos pa namin sa ngayon. ‘Yung gusto namin, ‘yung mga magsisilbing godparents niya ay yung gagabay talaga sa kanyang paglaki at lalong-lalo na sa kanyang Christian faith,” sey pa ni Dingdong sa isang panayam.