Taping ng PSY madugo, double nina Daniel at Kathryn naospital | Bandera

Taping ng PSY madugo, double nina Daniel at Kathryn naospital

Alex Brosas |February 08,2016
facebook
share this

Taping ng PSY madugo, double nina Daniel at Kathryn naospital

Alex Brosas - February 08, 2016 - 02:00 AM

daniel padilla

Madugo pala ang taping ng Pangako Sa ‘Yo. Ang akala ng marami ay ganoon lang kasimple ang mga eksena pero hindi pala. Para kay Daniel Padilla, ang first taping day ang pinakamahirap.

“Nandoon kami sa Nueva Ecija, sa Pantabangan Dam. Todo ang init noon, eh, ‘yung araw parang parang katabi lang namin. Naaalala n’yo ‘yung eksena na nakahubad ako.

“Mahirap dahil una first day, kinakapa pa namin ‘yung characters namin. Si direk kinakapa pa kami kung paano kami iha-handle. Mahirap kasi maraming sacrifices pero maganda naman ang kinalabasan.

After noon ay hindi mo mararamdaman ang hirap. Mararamdaman mo ‘yung sakit ng araw sa balat mo pero mawawala din ‘yon,” chika niya. Ang palengke scene naman ang hindi makakalimutan ni Kathryn Bernardo.

“It was an all star cast tapos hindi madali ang location. Nasa totoong palengke kami. Ang daming daga na parang pusa na lumalabas dahil nabubulabog sila. As in lahat nagpapa-panic na.

Kahit hindi kayo takot sa daga ay matatakot kayo kapag nakita n’yo. “Aside from the emotions, hindi siya madali kasi heavy drama, nagkakagulo lahat, nagsasabunutan, mahirap physically, nakaka-drain siya emotionally.

Parang nagsama-sama lahat. ‘Yung mga doubles namin, naospital sila, may nagsusuka pero it was all worth it,” she recalled. Natanong ang dalawa kung nakawala na sa shadow ng first Pangako Sa ‘Yo ang remake nila.

“Wala po akong masabi kasi noong nagsisimula kami ay wala akong hinangad kundi maging successful ang show na ito and it did very well,” say ni Daniel. “Siyempre unang-una wala namang masama kung nakawala o hindi kasi ‘yung Pangako Sa ‘Yo dati ay grabe rin.

Nagawan naman ng paraan nang sobra. Iyon naman ang goal namin, na hindi magawang kamukhang-kamukha noong una kasi bakit natin gagayahin pa. sana ni-replay na lang natin.

Ang ginawa naman natin, ganoon pa rin naman dati pero iba na ang istorya,” esplika pa niya.
“Feeling ko hindi ko masasabi na totally ay nakawala kami sa shadow ng original one.

‘Yun ‘yong mahirap kapag gagawa ka ng isang remake, ‘yung comparison siguro. Maraming questions ang mga tao especially ‘yung mga nakapanood noong una,” say naman ni Kathryn.

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.

What's trending