Ian hindi malilimutan ang love scene nila ni Jodi

Universal leading lady nang maituturing si Jodi Sta. Maria dahil maski kanino siya i-partner ay nagki-click. Uminit nang husto ang tambalang Richard Yap at Jodi noon sa Be Careful With My Heart at talagang bukambibig sila ng sambayanang Pinoy hanggang sa ibang bansa.

At nu’ng tanggapin ni Jodi ang Pangako Sa ‘Yo para i-loveteam siya kay Ian Veneracion ay patok din.
Sino nga kasi ang mag-aakalang bagay din pa silang loveteam ni Ian? Hindi ba’t laging trending sa social media ang tandem nilang “Amorado” bilang Amor Powers at Eduardo Buenavista sa PSY? Sa finale presscon nga ng Pangako Sa ‘Yo ay tinanong si Ian kung ano ang memorable at mahirap na eksenang ginawa niya sa serye.

Napangiti muna ang aktor sabay sabing, “Love scenes are always memorable.” Tawanan ang lahat dahil siyempre, sino nga ba naman ang makakalimot sa love scene nina Amor at Eduardo isama pa ang intimate scenes nila ni Angelica Panganiban bilang si Madam Claudia.

Dagdag pa ni Ian, “Yun ang pinakamahirap na i-shoot na eksena. For example, kami ni Jodi, we connected na emotionally before the show started so parang nahihiya ako sa kanya, baka isipin nagte-take advantage ka.”

Pagkatapos ng presscon ay natanong si Ian kung hindi ba nagselos ang asawa niya kay Jodi, “Never, she’s a very confident person and she knows Jodi. Na-meet niya ng personal si Jodi, nakilala niya si Jodi at kilala naman niya ako kung gaano ako ka-professional sa trabaho ko at alam niyang mahal na mahal ko siya.”

Sobrang saya nga raw ng misis ni Ian dahil sa magandang career nito, “She’s very happy, siyempre when I’m happy, she’s happy. Pag nakikita niya na bored ako sa buhay ko, siyempre nag-aaalala siya.

Sa ngayon masaya siya kasi nakikita niya na masaya ako sa trabaho, nage-enjoy ako sa mga kasama ko sa trabaho.” Sa pagtatapos ng Pangako Sa ‘Yo sa Peb. 12, aminado ang buong case na nalulungkot sila dahil isang pamilya na ang turingan nila sa set.

Ano naman ang balak ni Ian after PSY? “Siyempre looking forward to bakasyon pero at the same time malungkot because naging family na kami, yung buong show. We’ve been working almost everyday for more than a year.”