Eat Bulaga, AlDub, JoWaPao pinarangalan sa 2016 Platinum Stallion Media Awards
Iba’t ibang Kapuso programs at personalities ang kinilala sa 2016 Platinum Stallion Media Awards na ginanap kamakailan sa Trinity University of Asia (TUA) University Theatre.
Una na nga riyan ang pagkilala bilang Best Female News Anchor for TV kay GMA news anchor-TV host Mel Tiangco. Nag-uwi muli ng parangal ang multi-awarded documentary program na I-Witness bilang Best Documentary Show.
Ang isa sa mga host nito na si Sandra Aguinaldo ay kinilala rin bilang Most Trusted Female Field Reporter. Wagi rin ang GMA News TV travel program na Biyahe ni Drew bilang Trinitian Awardee for Best TV Magazine Show.
Ang family sitcom na Pepito Manaloto ni award-winning comedy actor Michael V, ay kinilala bilang Best Values-Oriented Program. Panalo rin bilang Best Gag Show ang longest-running comedy program na Bubble Gang habang ang Celebrity Bluff ay kinilala bilang Best Game Show.
Nanalo rin ang Kapuso comedy-variety noontime show na Sunday Pinasaya bilang Best Entertainment Program at ang primetime drama program na Magpakailanman bilang Best Drama Anthology.
Ang Walang Tulugan with the Master Showman ay pinarangalan naman bilang Trinitian Awardee for Late Night Show. Kabilang din ang Kapuso singer na si Jaya na kinilala bilang Outstanding Trinitian Media Practitioner for Music and TV.
Nagkamit din ang Eat Bulaga Dabarkads ng iba’t ibang parangal. Ang Best Noontime Show ay iginawad sa noontime show, habang ang Kalye’s Angel na binubuo nila Wally Bayola, Jose Manalo at Paolo Ballesteros ay tinanghal na Trinitian Awardees for Values-Oriented TV Character/s. Kinilala naman ang phenomenal love team na AlDub na sina Maine Mendoza at Alden Richards bilang Trinitian Awardee for Most Valuable Female and Male Advertising Endorsers.
Ang DZBB Super Radyo ay napili bilang Best AM Radio Station at Best Male AM Broadcast Journalist naman ang isa sa mga anchor nito na si Mike Enriquez.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.