Liza walang planong sumabak sa beauty contest

WALANG planong sumabak sa beauty contest si Liza Soberano, kahit na nga ang mismong 2015 Miss Universe na si Pia Wurtzbach ang nagsabi na pwedeng-pwede siyang maging beauty queen.

Sa nakaraang presscon ng bagong teleserye nina Liza at Enrique Gil na Dolce Amore na mapapanood na sa Primetime Bida ng ABS-CBN ngayong Pebrero, tinanong ang dalaga kung anong reaksyon niya sa sinabi ni Pia na malaki ang potential niyang manalo sa international beauty contest.

“Hindi naman, sabi niya puwede daw. Ha-hahaha! To be honest wala po ako plans to join a beauty contest pero I’m not closing any doors.  “Pero I mean it’s an honor to be complimented by Miss Universe herself pero ako hindi ko po nakikita ang sarili ko sa ganu’ng path.

Parang I’m contented na mag-artista, I like acting a lot,” sey ng teen actress. Tungkol naman sa napabalitang pagiging close niya sa foreign group na The Vamps na nag-concert kamakailan dito sa bansa, inamin ni Liza na talagang inasikaso siya ng mga miyembro nito nu’ng manood siya ng show.

“Last year po nanood po ako at nag-attend din ako ng meet and greet. Talagang bumibili ako tickets ko, pumunta ako dahil super fan ako. Nagpa-picture ako sa kanila and nag-request sila ng selfie.

Siguro naalala nila ako and then they followed me on twitter and Instagram. Yung James nagme-message siya sa akin,” ani Liza. Balak din daw ng The Vamps member na si James na mag-collaborate sila ni Liza sa isang social media project, “Kasi gusto niya gumawa ng video sa YouTube.

Parang we’re going to teach each other words in British na hindi alam ng iba tapos ako in Tagalog pero di nagawa dahil busy siya,” chika pa ng dalaga. Samantala, makakasama rin nina Liza at Enrique sa Dolce Amore si Matteo Guidicelli bilang ka-love triangle nila, nandiyan din sina Cherie Gil, Ruben Maria Soriquez, Edgar Mortiz, Rio Locsin, Kean Cipriano, Sunshine Cruz, Andrew E at Frenchie Dy.