12 lindol yumanig sa Quezon | Bandera

12 lindol yumanig sa Quezon

Leifbilly Begas |February 05,2016
facebook
share this

12 lindol yumanig sa Quezon

Leifbilly Begas - February 05, 2016 - 04:04 PM

quezon
Niyanig ng 12 magkakasunod na lindol ang Quezon kahapon, ayon sa Philippine Institute of Volcanology and Seismology.
Ang unang lindol ay naitala alas-2:43 ng umaga at may lakas na magnitude 2.9 Ang sentro nito ay 10 kilometro sa silangan ng Catanauan.
Sumunod naman alas-3:28 ng umaga at may lakas na magnitude 3.6 Ang sentro nito ay 14 kilometro sa Catanauan at may lalim na 9 kilometro.
Nagresulta ito sa Intensity II paggalaw sa Gumaca, Mulanay at Guinayangan.
Alas-3:40 naman naramdaman ang magnitude 3.1 na ang sentro ay 16 kilometro sa Catanauan. Nagresulta ito sa Intensity I paggalaw sa Guinayangan.
Magnitude 3.5 naman ang sumunod na lindol alas-5:52 ng umaga. Ang sentro nito ay 11 kilometro sa kanluran ng Lopez.
Nagdulot ito ng Intensity I paggalaw sa Gumaca, Mulanay, at Guinayangan.
Naramdaman ang magnitude 5 lindol alas-6:41 ng umaga. Ang sentro nito ay 14 kilometro sa kanluran ng Buenavista at may lalim na 11 kilometro.
Nagresulta ito sa paggalaw na Intensity V sa Buenavista, General Luna at Mulanay.
Intensity IV sa Guinayangan, Catanauan, Gumaca at Pitogo. Intensity III naman sa Lopez, Calauag, Unisan at Atimonan. Intensity I naman sa Rosario.
Sa pagyanig na ito, sinabi ng Phivolcs na posibleng magkaroon ng aftershock.
Sumunod naman ang magnitude 2.6 alas-7:05 ng umaga at magnitude 2.5 alas-7:35 ng umaga, at magnitude 2.5 alas-12:31 ng hapon sa Buenavista Quezon.
Ala-1 ng hapon ay naramdaman ang magnitude 5.2 lindol. Ang sentro nito ay 11 kilometro sa Lopez at may lalim na tatlong kilometro.
Nagresulta ito sa Intensity V na naramdaman sa Guinayangan, Intensity IV sa Lopez, Pitogo, Calauag at Gumaca; Intensity III sa Mulanay, Intensity II sa Camarines Norte at Intensity I sa Rosario.
Naramdaman naman ang magnitude 3.8 ala-1:06 ng hapon; magnitude 3.4 ala-1:28 ng hapon at magnitude 3.7 ala-1:41 ng hapon.

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.

What's trending