MET sa Maynila ire-revive para makatulong sa showbiz

Maraming members ng showbiz press ang natuwa nang ibalita ang planong muling buhayin ang Metropolitan Theater sa Maynila na naging tahanan noon ng paboritong show ng mga Pinoy na VIP Live (Vilma in Person) ni Vilma Santos.

Gagawin daw ni Rep. Amado Bagatsing ang lahat para muling gawing bonggang entertainment venue ang MET kapag nahalal siyang Mayor ng Maynila. Matagal na raw niyang naiisip ang revival at reconstruction nito.

In fairness, napakaganda naman kasi talaga noon ng MET at nakapanghihinayang kung pananatilihin itong nakatiwangwang lang at walang silbi. Sey ni Bagatsing, prayoridad niya ang pagpapaganda at pagsasaayos ng capital city ng bansa bilang sentro ng sining, kultura, at kasaysayan.

At magagaya niya ito sa pakikipagtulungan sa mga negosyante, urban planners, mga eksperto sa kasaysayan, at artist groups. “There’s a need for us, Filipinos, to revisit our history, cuture and arts,”paliwanag niya sa pakikipagtsikahan sa ilang showbiz writers.

“Not only art for art’s sake but also we can touch base with who we are as a people,” sabi pa ni Bagatsing. “We will bring back the glory days of Manila and rescue it from urban decay as a result of neglect and apathy of the present and past administrations,”dagdag pa niya.

Plano rin niyang magkaroon ng imbentaryo sa mga sinehan at pagbibigay-suporta sa mga pelikula, musika, at likhang-sining ng mga Filipino. “We have so many beautiful and socially relevant films, especially those from indie producers and directors. We need to support them as well as those coming out from the yearly Metro Manila Film Festival,” anito pa.

Ipakikita rin daw ang ganda ng siyudad sa pamamagitan ng float parades at pagpapalabas ng history, arts, at cultural materials.

“Roxas Boulevard will be a place for painters and musicians and not hawkers and beerhouses. There, painters can draw inspiration from the breathtaking Manila Bay sunset as tourist and locals alike promenade safely; there musicians can play their instruments or songs freely as they’re caressed by the clean and soft breeze from Manila Bay.

“I know how beautiful Manila was and I intend to reclaim that beauty and glory if elected mayor,” giit pa ni Bagatsing.