Coleen Garcia: Hindi na ako babalik sa Showtime!

KINUMPIRMA ni Coleen Garcia na hindi na siya babalik sa It’s Showtime pagkatapos nilang magbakasyon ng kanyang boyfriend na si Billy Crawford sa ibang bansa.

Kamakailan lang ay sinulat namin dito na tsinugi na si Coleen sa Showtime dahil sa pagiging pasaway. Tatlong taon din siya sa nasabing programa pero hindi siya naging main host.

Sa panayam ni TV Patrol correspondent Gretchen Fullido ay ipinaliwanag ni Coleen kung bakit hindi na siya kasama sa noontime show ng ABS-CBN. “Actually, I was barely ever there during the entire second half of 2015.

I don’t think I’ll be returning. Management talked to me and they want me to focus on acting,” paliwanag ng dalaga. Oo nga, mukhang dapat ngang mas mag-concentrate na lang si Coleen sa acting lalo’t bini-build up siya ng Star Cinema bilang sexy actress.

Ang gaganda ng feedback kay Coleen sa launching movie niyang “Ex With Benefits” na idinirek ni Gino Santos kaya may follow-up movie kaagad siya. At ang taray ni Coleen dahil sa susunod niyang pelikula ay sina Piolo Pascual at Dawn Zulueta na ang makakasama niya sa direksiyon uli ni Gino Santos.

Young socialite raw ang papel ni Coleen, “Yung characters namin ay within the lifestyle today. I’m a socialite, while Piolo is a DJ. He’s really going to learn how to spin. Dawn is a fashion designer so somehow our characters will cross path.”

Samantala, siniguro na ni Coleen na si Billy na ang lalaking pakakasalan niya, “I know I’m ending up with Billy pero siguro huwag muna magpakasal this year. We talk about it naman eh. I know it’s going to happen, just not yet.”