Yaya Dub napiling disney princess, bibigyang-buhay si Elsa ng frozen
Matapos bumida sina Kim Chiu at Sarah Geronimo last year, si Maine Mendoza alyas Yaya Dub naman ang bibigyan ng chance na maging Disney princess ngayong 2016.
Ang ka-loveteam ni Alden Richards ang napili ng Walt Disney Asia para maging Elsa (ng animated film na Frozen) sa 2016 Disney Calendar.
Sa official Facebook account ng Disney Channel Asia, naka-upload na ang behind-the-scenes video ni Maine na may caption na: “YEAR 2016 is off to a great start with the very first Disney collaboration with Maine Mendoza.
Her Disney side is looking worthy of a snow queen! Who wouldn’t want to build a snowman with her?”
Sa nasabi ring video mapapanood ang interview kay Yaya Dub para sa nasabing Disney calendar na magiging available sa iba’t ibang bansa sa Asia.
“The shoot was so much fun because it’s my first time to do this and it’s very new to me. I love it. I love Elsa,” pahayag ni Maine. Sumikat si Elsa sa mga kabataan matapos ipalabas ang “Frozen” noong na nanalo rin bilang Best Animated Film sa 86th Academy Awards (Oscars).
Kung matatandaan noong nakaraang taon, sina Sarah at Kim ang napili ng Disney na magbigay-buhay kina Rapunzel at Mulan respectively para sa kanilang 2015 calendar.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.