Sue Ramirez naka-jackpot kay DJ

SUE RAMIREZ

NAGSIMULA ang half American at half Pinay na si Sue Ramirez bilang best friend, kapatid or anak ng mga kilalang aktor sa mga drama series sa TV at sa mga pelikula.

Anim na taon na rin sa showbiz si Sue na nag-umpisa bilang isa sa mga singers ng teen oriented show na Shout Out.

Naging bahagi ang dalagita ng ilan sa mga ABS-CBN shows tulad ng Mula Sa Puso, Angelito, Oka Tokat, Annaliza, Dream Dad, All of Me, Nasaan Ka Nang Kailangan Kita, Maalaala Mo Kaya. Nakasama rin siya sa mga pelikulang “Aswang”, “Just The Way You Are” at “A Second Chance.”

Sulit ang paghihintay ni Sue dahil napansin siya ng mga executives ng ABS-CBN at maswerteng napili bilang isa sa mga karagdagang miyembro ng cast ng Pangako Sa ‘Yo Book 2. Ginagampanan niya ang role na Ligaya na mortal na kaaway at admirer ni Daniel Padilla bilang Angelo.

Maituturing ni Sue na isa sa challenging at overwhelming roles ang maging ka-loveteam si Daniel o third wheel sa sikat na KathNiel loveteam. “Masaya po ako na maging part ng PSY kasi napansin po nila ang talent ko,” sabi ng dalagita.

Alam rin ni Sue na pagtanggap niya ng role, marami ang good at bad criticisms siyang matatanggap mula sa mga fans and viewers. “Positibo naman po ako kung paano ko tinatanggap ang mga good lalo na po ang mga bad cristicisms sa akin. Mas lalo ko pa pong pinagbubutihan ang trabaho ko for the audience,” dagdag pa ng youngstar.