Paulo type na type ang ‘natural beauty’ ni Nadine

Siniguro ng Dreamscape Entertainment na hindi magmumukhang kontrabida sa loveteam nina James Reid at Nadine Lustre si Paulo Avelino sa pagpasok nito sa seryeng On The Wings Of Love.

Ito’y sa gitna nga ng mga banta ng ilang JaDine fans kay Paulo kapag nagsimula nang umapir ang kanyang karakter bilang si Sir Simon na magiging boss ni Leah (Nadine) sa On The Wings of Love and eventually ay pagseselosan ni Clark (James).

Pero sey ni Paulo, inaasahan na niya ang gagawing pamba-bash sa kanya dahil alam niyang sikat na sikat ang JaDine ngayon. “Hindi naman talaga maiiwasan ‘yon.

Minsan nadadala talaga tayo sa mga nakikita natin, lalo na sa mga characters sa TV,” ani Paulo nang humarap sa media noong Martes sa pocket presscon ng OTWOL na napapanood pa rin weekdays after Pangako Sa ‘Yo, sa ABS-CBN Primetime Bida.

Dagdag pa niya, “Kahit naman ako sa mga napapanood kong show, pag may sumisingit or kapag may tingin mong may threat (naiinis ako).”

Pero nagpasalamat naman ang Kapamilya actor sa mga nagsabing magiging added attraction siya sa OTWOL at excited na silang mapanood muli ang aktor sa TV.

Isang advertising executive ang magiging role ni Paulo sa serye. “To the Jadine fans, thank you so much for the welcome. Don’t worry I’m here as an actor. Baka kainisan (ako) sa show. I’m here to add excitement. I’m here to inspire,” chika ng binata.

Nang tanungin naman siya kung paano niya ide-describe si Nadine bilang leading lady, “Her beauty is very Pinay, and I’m actually very attracted to Pinay-looking girls.”

Dagdag pa niya, “As a colleague sa set, very professional. Yan yung maganda sa mga younger generation of actresses ngayon, most of them, if not all, are very professional.”

Paano magsisimula ang story nina Simon at Leah? “I think it would because these are two (Clark at Leah) very young people nagkarelasyon, kumbaga engaged na.

“Sa mga ganitong relasyon sa tingin ko parang kulang lagi ang maturity, so si-guro yung maturity ni Simon, not just a boss, but bilang mas matanda siya kay Lea, yun ang trait o quality na makikita ni Lea na pwedeng ma-attract siya,” sey pa nito.