HINDI pa nawawalan ng pag-asa ang Samahang Basketbol ng Pilipinas na makapaglalaro para sa pambansang koponan sina Jordan Clarkson ng Los Angeles Lakers at ang two-time Most Valuable Player ng Philippine Basketball Association na si June Mar Fajardo.
Nakatakdang lumipad patungong Estados Unidos sina SBP vice chairman Ricky Vargas at PBA board member Patrick Gregorio para kausapin ang ama ni Clarkson at kumbinsihin ito na payagan na ang Lakers guard na makapaglaro sa Gilas Pilipinas sa darating na Fiba-Asia Championships na gaganapin sa China umpisa Setyembre 23.
“Our talk with the father is to reassure him that, from the time that he (Jordan) has not signed the contract to the time that he does, and if he gets injured while with Gilas, we will assure them that during period that he will be properly taken cared of,” sabi ni Vargas.
“We will be taking a risk anyway, whether he has a contract or not.”
Diumano, hindi pa nakapag-renew ng kontrata si Clarkson sa Lakers bagaman desidido naman ang koponan na muling makuha ang serbisyo ng naturang Fil-Am.
Nakatakda ring makipagpulong sina Vargas at Gregorio sa pamunuan ng Los Angeles Lakers para pormal na ipaalam ang napipintong paglalaro ni Clarkson sa pambansang koponan ng Pilipinas.
Umaasa rin ni Vargas na muling makakasama ng Gilas si Fajardo sa darating na Fiba-Asia.
Handa aniyang maghintay ang SBP na bumuti ang injury ng 6-foot-10 center hanggang sa mga huling sandali.
“Kailangang-kailangan siya ng bayan , Gilas is willing to wait for him,” sabi ni Vargas.
Isa si Fajardo sa napupusuan ni national coach Tab Baldwin na makuha para sa Gilas ngunit tumanggi itong maglaro dahil sa injury.
Hindi rin nakasama sa team sina Paul Lee at LA Tenorio.
“We are just waiting for the time that his (Fjardo’s) injury heals,” dagdag pa ni Vargas. “Maybe, if he is well again (physically), puwede na ulit tayo makiusap sa kanya to rejoin the team.”
Nakapaglaro na sa Gilas si Fajardo noong 2013 Fiba-Asia na ginanap sa Pilipinas at sa 2014 Wolrd Cup sa Spain.
“May pagmamahal sa bayan yan. Homegrown yun, eh,” ani Vargas.
Kung makakukuha ng Gilas sina Clarkson at Fajardo at magbabalik mula Estados Unidos ang naturalized Pinoy na si Andray Blatche ay malamang na magiging llamado sa Fiba-Asia ang Pilipinas.
Kahapon sa Jones Cup, tinisod ng Gilas Pilipinas ang naglalakihang Spartak Primorye of Russia, 85-71, para sa ikalawang panalo sa tatlong laro sa torneyo. —Inquirer.net
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.