Barbie, Thea patuloy na nagrereyna sa Afternoon Prime ng GMA

Hindi natitinag ang pamamayagpag ng Afternoon Prime block ng GMA Network dahil patuloy pa rin itong pinapaboran ng mas mara- ming manonood dahil sa dekalibreng programa na hatid sa pamilyang Pilipino tuwing hapon.

Bukod sa relatable na mga kwento ay tinututukan din ng mga manonood ang kahanga-hangang pagganap sa mga karakter sa bawat serye.

Patuloy ang The Half Sisters nina Barbie Forteza at Thea Tolentino sa pagtataguyod ng pagmamahal at malasakit sa pamilya, maging ang Buena Familia na hatid ang aral ng katapatan at dignidad.

Hindi rin matatawaran ang inspirasyong dulot ng Healing Hearts dahil sa pagbibigay nito ng pag-asang malalampasan ang anumang kahirapan sa buhay.

Hindi maikakailang pinakapinapanood sa Afternoong Prime ang The Half Sisters na patuloy na pinapadapa at tinatalo ang kalaban sa TV ra- tings.

Siguradong mas tututukan ang programa dahil sa pagpasok ng karakter ng seasoned actress na si Cherie Gil bilang Magnolia.

Mapapanood din sa mga susunod na episodes ang Kapuso teen actor na si Ruru Madrid bilang Joaquin Castillo. Abangan kung ano ang magiging papel ni Ruru sa buhay ni Diana (Barbie Forteza).